Project பக்தி

Project பக்தி கதைகள், நாடகங்கள், விளையாட்டுகள், செய்முறை நடவடிக்கைகள், கலந்துரையாடல்கள் ஆகியவற்றின் மூலம் வளமான இந்தியக் கலாசாரத்தையும் தொன்மையான ஆன்மீக அறிவையும் பகிர்ந்துகொள்ள எண்ணம் கொண்டுள்ளது. இத்தகைய நடவடிக்கைகள், பிள்ளைகளிடையே சரியான சிந்தைக்கும் செயல்பாட்டிற்கும் தேவையான மதிப்புகளை வளர்க்க உதவுவதுடன், அவர்கள் அவற்றை சரியாகப் புரிந்துகொண்டு வாழவும் ஊக்குவிக்கின்றது.

Project பக்தி வகுப்புகள், பலதரப்பட்ட அம்சங்களுடன் கூடிய இந்து மதம் சார்ந்த கலாசாரத்தையும் இந்துக்கள் பிற மதங்கள், கலாசாரங்கள் ஆகியவை மீது கொண்டுள்ள ஆக்ககரமான மனப்போக்கையும் போற்றுவதற்குரிய தளத்தை பிள்ளைகளுக்கு அமைத்துக் கொடுக்கின்றன. இத்தகைய புரிதல், பிள்ளைகள் தங்கள் பாரம்பரியத்துடன் தங்களைத் தொடர்புபடுத்திக்கொள்ளவும், இந்து மதம் சார்ந்த கலாசாரத்திலும் மதிப்புகளிலும் உள்ள மிகச் சிறந்த அம்சங்கள் அனைத்தையும் உணர்வதற்கும் துணைபுரிகின்றது.

சிங்கப்பூரின் பரபரப்பான வாழ்க்கைச் சூழலில், பிள்ளைகள் நமது வளமான கலாசாரத்தைப் புரிந்துகொள்வதற்கு குறைவான வாய்ப்புகளே உள்ளன. நமது சுற்றுச்சூழலில் உள்ள ஆசையைத் தூண்டக்கூடிய அம்சங்களும், இளம் பிள்ளைகளை தம் வசப்படுத்தும் வகையில் மேலும் அதிநவீனமாகிக்கொண்டு வருகின்றன. அதனால், நமது இளையர்கள் ஆரோக்கியமானதொரு கட்டுக்கோப்பான மனநிலையை மேம்படுத்திக்கொள்வதற்கான கல்வியறிவை புகட்ட, அவசரத் தேவை எழுந்துள்ளது.

பண்புநல உருவாக்கம் இளவயது முதலில் இருந்தே தொடங்குகின்றது. ஒவ்வொரு பிள்ளையும் உன்னதமான சித்தாந்தங்கள், ஆரோக்கியமான உணர்வுகள், கட்டுக்கோப்பான வாழ்க்கைமுறை ஆகியவற்றுடன் வளர்வதற்கான சரியான சுற்றுச்சூழலை உறுதிசெய்வது ஒவ்வொரு நாட்டின் – பெற்றோரின் கடமையாகும். வருங்காலத் தலைமுறைகளில் மாற்றங்களை விதைக்கவிருப்பவர்களுக்காக இதனை உருவாக்க, கைகோர்த்து பணிபுரிவோம்.

இந்து மதத்திலும் சமூக சேவையிலும் மிகுந்த ஆர்வமுள்ள இளம் தொண்டூழியர்களே இவ்வகுப்புகளுக்கான ஆசிரியர்கள். தலைமுறை இடைவெளியைக் குறைக்கும் நோக்கத்தில், பிள்ளைகள் கற்பிப்பவர்களுடன் எளிதில் தொடர்புகொள்ளவேண்டும் என்ற காரணத்தால், இத்திட்டத்தை வழிநடத்த இளம் தொண்டூழியர்கள் ஈடுபடுத்தப்படுகிறார்கள்.