சிங்கப்பூரின் மிகப் பழமையான கோயில்களில் ஒன்று, ஸ்ரீ வைராவிமட காளியம்மன் கோயில். தொடக்கத்தில் கிளினி ரோட்டில் கட்டப்பட்ட இக்கோயில், தோ பாயோவிற்கு இடம் மாறும் முன்னர், மேலும் இரண்டு முறை இடம் மாற்றப்பட்டது.

கோயிலின் முதல் கட்டடம், கிளினி ரோட்டில், டேங்க் ரோட்டிற்கும் உட்லண்டஸில் உள்ள ஜொகூர் பாலத்திற்கும் இடையில் கட்டத் திட்டமிடப்பட்டிருந்த இரயில் தடம் இடம்பெறும் வழியில் அமைந்திருந்தது. அதன் காரணமாக, உள்ளூர் நகராண்மை இரயில் துறை அதிகாரிகள், கோயிலின் அறங்காவலர்களுடன் பேச்சுவார்த்தை நடத்தி, புதிய இரயில் தடங்கள் கட்டப்படுவதன் பேரில், கோயில் நிலத்தை வாங்கிக்கொண்டனர். பின்னர், கோயில் அறங்காவலர்கள், ஆர்ச்சர்ட் ரோட்டில் இருந்த காலி நிலப்பகுதியில் புதிய கோயிலை எழுப்பினர்.   துரதிர்ஷ்டவசமாக, இரயில் துறை அதிகரிகள் மீண்டும் கோயில் நிலத்தைக் கையகப்படுத்திக்கொண்டனர்.   அதன் காரணமாக, இரண்டாவது முறையாக கோயில் இடம் மாறவேண்டியிருந்தது. 1921-ஆம் ஆண்டில், கோயில் கட்டும் பணிகளுக்காக 21 சாம்ர்செட் ரோட்டில் (டெலிகாம் கட்டடத்திற்கு எதிர்ப்புறம்) புதிய இடம் வாங்கப்பட்டது. இவ்விடத்தில் இருந்த கோயில் கட்டடம், 1933-ஆம் ஆண்டில், மொஹமதிய இந்து அறக்கட்டளை வாரியத்தால் 1933-ஆம் ஆண்டில் கட்டப்பட்டது. அதன் கட்டுமானப் பணிகள் நிறைவடைந்ததை அடுத்து, 6 டிசம்பர் 1933 அன்று கும்பாபிஷேகம் நடைபெற்றது.